Musanze:Mu myaka 8 ishize igipimo cy’ubukene cyavuye kuri 53.6 kigera kuri 21.98%
Umuyobozi w’Akarere ka Musanze Nsengimana Claudien yagaragaje raporo y’imyaka 8 ishize, aka karere gahanganye n’ingamba zo kwikura mu bukene, agaragaza ko igipimo cyabwo kiri kugenda kigabanyuka ndetse ko hari icyizere cy’uko imibare igaragazwa mu ntangiriro z’uyu mwaka wa 2o26 izagenda irushaho kwegera hasi.
Ibi yabikomojeho mu nama nyunguranabitekerezo yiga ku iterambere ry’Akarere ka Musanze, yabaye kuwa Gatanu tariki ya 23 Mutarama 2026, yahuje ubuyobozi bw’Akarere, abikorera ,inzego z’umutekano,ingabo n’abandi bafatanyabikorwa ,hagamijwe kwigira hamwe icyateza umuturage imbere nk’imbogamizi zikwiye gukemurwa kugira ngo harusheho kunozwa imibereho myiza y’abahatuye.
Iyi nama yafashwe nk’umwanya wo kwisuzuma no kwishimira ibyagezweho haba mu bukungu, imiyoborere myiza n’imibereho myiza y’abahatuye mu mwaka usojwe wa 2025 n’iyabanje, hagamijwe kurebera hamwe ibibazo bigihari mu rwego rwo kubifatira ingamba.
Mu byo kwishimira Meya Claudien yagaragaje ni umutrkano mwiza uhari gutuma abikorera bakora ibyabo nta nkomyi bikaba imbarutso y’iterambere. Yuzemo ko by’umwihariko ibi babikesha inzego z’umutekno.
Abikorera bagaragajwe nk’urwego rukomeye rukomeye kugira uruhare mu iterambere ry’aka karere kommu Ntara y’Amajyaruguru ,aho bimwe mu bikorwa byabo aribyo bishyirwa imbere mu kuvugurura uyu mujyi,hubakwa inzu zigezweho zigeretse haba mu gice cy’umujyi no mu nkengero zawo.
Inkuru mu buryo bw’amasoko https://youtu.be/Z1sVwu1vA94?si=Fk55FY64Z4-6Eknf
Yavuze ko hari ibigenda bigerwaho nk’inyubako zirikubajwa muri uyu mujyi, imihanda yubatswe n’imishya igihangwa,ibi byose bikaba bikomoka kunbufatanye Kandi bukomeje no kuzamura Irene ry’ubuzima,uburezi no muri gahunda zitandukanye haba iza leta n’iz’abikorera zashyizweho mu gufasha abaturage.
Akarere ka Musanze kagizwe n’imirenge 15,utugari 68 n’imidugudu 432.ku ibarura ryakozwe mu mwaka wa 2022,habaruwe abaturage ibihumbi 476 na 522 (476 522) muri bo 49.2 batuye mu mujyi, mu gihe 50.8 batuye mu cyaro ku bucucike bw’abaturage 1167 kuri Kilometero kere imwe.
Mu bipimo by’igereranya n’imyaka ishize ni uko muri 2018,ku gipimo cy’ubukene, Musanze yari kuri 53.6 mu mwaka wa 2025 icyo gipimo cyaragabangutse kigera kuri 21.98. ikindi cyagarutsweho ni igipimo cy’ubukene bukabije Musanze yari ku gipimo cya 26.2 kigera kuri 5.6.
Ku bijyanye n’abakozi no guhanga akazi hagamijwe kurwanya ubushomeri, ntabwo byagenze neza kuko cyavuye kuri 11 kigera kuri 13 muri 2025.Ku bipimo by’abaturage Bazi gusoma no kwandika bari 55% muri 2018 bagera kuri 79.4%, aha hombi hagaragazwa nk’ahagikenewe gushyirwamo imbaraga nyinshi.
Mu.myaka 8 ishize, abari batuye mu mujyi bari 27.7 ubu iki.gipimo.kigeze kuri 49.2. ikijyanye no kwegereza abaturage amazi meza cyari kuri 91 ubu kigeze kuri 92.5. ibijyanye n’isuku yo mu miturire cyangwa mu ngo kigeze ku gipimo cya 96.3 bivuze kuri 86.
Igipimo cyo kurwanya igwingura ku bana batarengeje imyaka 5, cyavuye kuri 45 ubu kigeze kuri 31. Ibijyanye n’ubwishingizi mu kwiguza (Mituelle de Sante) cyavuye kuri 79 ubu kigeze kuri 99.5 uyu munsi muri 2026,umuyobozi w’Akarere yemeza ko intego ari ugukuraho ibice 5 nibura bakagera ku 100% kuko mu mwaka ushize wa 2025 cyari kuri 99.9%.
Akarere ka Musanze gakomeje kugaragaza ko gafite intego zo kuvugurura byinshi bihereye ku bifasha imibereho myiza y’abaturage kuko mu mwaka ushize igipimo cy’uburyo bishimira serivise bahabwa n’inzego z’ibanze, Musanze yari yaje iherekeje utundi turere twose uko ari 30 ubu kakaba Kari ku mwanya wa 12 bivuye ku gipimo cya 72%-82%.
Uyu muyobozi yasabye buri umwe wese gukomeza kugira uruhare mu kurushaho guteza imbere iterambere ry’umijyi wa Musanze wunganira Kigali, ngo kuko kugeza ubu bataragera ku kigero bifuza cyo kuwubaka nk’umujyi mwiza w’ubucuruzi n’ubukerarugendo.
