RISA yerekanye ubuhanga bw’u Rwanda mu ikoranabuhanga muri Gitex Global 2025(Amafoto)
Mu rwego rwo gushimangira ubushobozi bw’u Rwanda mu ikoranabuhanga n’udushya, Ikigo cy’Igihugu gishinzwe Umutekano w’Ikoranabuhanga (RISA) kiri kwitabira Gitex Global 2025, kimwe n’abandi bafatanyabikorwa b’igihugu barimo RDB Rwanda na Rwanda ICT,bagaragaza udushya two mu Rwanda ku rwego mpuzamahanga.
Uru rugendo rwitabiriwe n’abahanzi b’ikoranabuhanga b’u Rwanda, bigaragaza ubushobozi bw’igihugu mu guteza imbere udushya n’ibikorwa by’ikoranabuhanga.
Iyi gahunda iri mu bikorwa by’umushinga Hanga Hubs, ushyigikiwe n’Umuryango w’Ubumwe bw’Uburayi (EU), igamije guteza imbere abahanga mu ikoranabuhanga mu Rwanda no kubafasha guhuza ibikorwa byabo n’amasoko mpuzamahanga.
Umushinga Hanga Hubs unafasha abahanzi gutanga ibisubizo bishingiye ku ikoranabuhanga byubahiriza ibipimo mpuzamahanga, bityo bigafasha u Rwanda guhanga udushya dushingiye ku bumenyi bugezweho.
Mu bikorwa byo kwerekana udushya, abahanzi Bashions Ltd na NTDM bagaragaje uburyo ikoranabuhanga ry’u Rwanda rishobora guhanga ibisubizo byihariye ku bibazo byo mu gihugu no ku rwego rw’isi.
Ibi bihangano byabo birimo udushya mu bucuruzi bwa bugezweho (digitale), gucunga amakuru no guhanga porogaramu zifasha mu iterambere ry’abaturage.
Abahanzi bagize amahirwe yo kuganira n’abashoramari, abahanga mu ikoranabuhanga, ndetse no guhererekanya ubumenyi n’abandi bahanga mu rwego mpuzamahanga.
Iyi gahunda kandi yatumye RISA ibasha kwakira H.E. John Mirenge, ambasaderi w’u Rwanda muri Leta Zunze Ubumwe z’Abarabu, wari waherekejwe n’abakozi b’ishami rya ambasade.
Ambasaderi Mirenge yashimangiye ko ibikorwa nk’ibi byemerera abahanzi b’u Rwanda kongera imikoranire n’abafatanyabikorwa mpuzamahanga, gukurura ishoramari, no kwamamaza inkuru nziza y’ubuhanga n’udushya rw’u Rwanda ku rwego rw’isi.
Nk’uko byagaragajwe, uruhare rwa RISA muri Gitex Global 2025 si uguhagararira ikoranabuhanga gusa, ahubwo ni n’uburyo bwo gushyira u Rwanda ku ikarita mpuzamahanga y’ibihugu bifite ubushobozi bwo guhanga udushya n’amasoko ya digitale.
Abashinzwe umutekano w’ikoranabuhanga b’u Rwanda bari ku isonga mu kugaragaza uburyo ikoranabuhanga rishobora gufasha mu gucunga amakuru y’igihugu, gukumira ibyaha bya digitale no gukomeza iterambere ry’ikoranabuhanga mu nzego zose z’ubuzima.
RISA yagaragaje ko Gitex Global ari amahirwe adasanzwe ku bahanga b’u Rwanda kugira ngo bamenyekanishe udushya twabo, bongere ubumenyi, ndetse bakore imikoranire n’abafatanyabikorwa b’ingenzi ku rwego mpuzamahanga.
RISA yashimangiye ko ibikorwa byo kwitabira Gitex Global 2025 bigamije kwereka abanyarwanda n’abafatanyabikorwa mpuzamahanga ko u Rwanda rufite ubushobozi bwo guhanga udushya, gushyira mu bikorwa imishinga y’ikoranabuhanga ku rwego mpuzamahanga, no gukomeza guteza imbere ubumenyi mu gihugu.
Iyi gahunda yerekana neza ko u Rwanda ruri mu nzira yo kuba ihuriro ry’udushya n’ikoranabuhanga muri Afurika, rishingiye ku bufatanye bw’inzego za leta, abikorera n’abafatanyabikorwa mpuzamahanga, byose bigamije guteza imbere igihugu no kurushaho kwagura ubuhanga mu ikoranabuhanga.
