Umushinga LCDF3 uzasiga hegitari 500 ziciweho amaterasi y’indinganire naho 2000H ziterweho amashyamba
Imishinga ikorrera muri REMA, mu bikorwa byo kuzahura ibikorwa by’ubuhinzi no kubungabunga ibidukikije hagamijwe kongera umusaruro w’ubuhinzi no guhangana n’ihindagurika ry’ibihe, yitezweho kugira uruhare mu kongera ireme ry’ubuhinzi bw’umwimerere muri aka Karere no kongera ubuso buteyeho amashyamba,hanasazurwa amwe mu yangijwe n’ibikorwa bya muntu.
Mu byiciro bitatu bigize umushinga LCDF3 ,ukorera mu turere tubiri aritwo Gakenke na Kirehe, ubuso bufatika kuri hegitari bumaze kugarurirwa icyizere cyo huhingwaho ibihingwa bitandukanye bikuyibiyemo ibikorwa byo guca amaterasi no gutera amashyamba ku buso bwisagaguye hagamijwe kurwanya isuri no kugira ikirere gitoshye.
Umukozi mu kigo cy’igihugu cyo kubungabunga ibidukikije (REMA) akaba n’umuyobozi w’umushinga LCDF 3, Charles Sindayigaya, yagaragaje ingaruka uyu mushinga umaze kugira mu mirenge ukoreramo by’umwihariko muri Musaza ukorerwamo ibikorwa byo kuhira imyaka n’uwa Gatore wasazuriwe ishyamba.
Yagize ati:”Uyu mushinga ugabanyijemo ibice bitatu binini by’ingenzi, igice cya mbere ni ugutuza abaturage mu buryo bubafasha guhangana n’ihindagurika ry’ibihe,muri uyu mushinga dufite imiryango 500 tugomba kubakira mu buryo bufite ubudahangarwa ku ihindagutika ry’ikirere. Ubu tumaze kubakira imiryango 220,harimo igera ku 180 yo mu Karere ka Gakenke na 75 yo mu Karere ka Kirehe.”
Yakomeje ati:” Mu gice cya kabiri ni ugusubiranya bya byanya n’imisozi yangiritse ,mu.mushinga ruteganya gukora hegitari 500 z’amateradi y’indinganire(Radical Terraces), ndetse ubu tumaze gukora hegitari 400 ariko yukagira n’amashyamba na bya biti bivangwa n’imyaka, Aho tumaze gutera kuri hegitari 2000.”
Agaruka ku gice cya Gatatu cy’uyu mushinga, Sindayigaya yagize ati:”Iki give kijyanye n’ubuzima bw’abaturage(Income generating Activities ) Aho dufasha za koperatives n’abahinzi mu bikorwa byo kongera umusaruro no kuwongerera agaciro. Iki kibaye cyose turateganya kugeza ku bahinzi imbuto no kugerageza uburyo bwo guhingamo ibihingwa bishya (crops rotation) nk’urusenda n’amatunda.”
Abaturage bo mu.mirenge ya Musaza na Gatore baganiriye na Greenafrica rw ,bagaragaza ko uyu mushinga umaze kubahindurira byinshi bituma bibonaho icyerekezo kizima, haba mu gukora ubuhinzi butangiza, kubungabunga ibidukikije no kongera umusaruro ukomoka ku buhinzi bwabo.
Ntaganda Valenci ukorera ubuhinzi mu mudugudu wa Gicuma, Akagari ka Gasarabwayi ,mu murenge wa Musaza, avuga ko kuvomerera imyaka yabo byabongerereye uburyo bwo guhinga,binongera umusaruro babonaga kuko ngo mbere bahoraga bahanganye n’ibibazo by’izuba.
Yunganiwe na Mugenzi we Uwingabiye Sylvie wo.mu.Kagaru ka Muhanda,mu murenge wa Gatore, akaba ari umuyobozi uhagarariye amatsinda akorera mu materasi.
Ati:”Uyu mushinga utaratera iri shyamba hari ishyamba rimeze nabi ndetse n’ibiti ntibuakuraga. GEF ifatanyije n’umushinga wa REMA ,baraje badufashe mu bikorwa by’ubuhinzi haba guca amaterasi y’indinganire no gusazura irishyamba. Hano mu murenge wa Gatore tubona imvura ugereranyije n’ahandi Kandi tubikesha iri shyamba .”
Agronome w’Umurenge wa Gatore Nsengiyumva Pacifique agaragaza ibibazo bajundaga guhura nabyo bataratera ishyamba n’uko ubu byakemutse.
Ati:”Bataratera iri shyamba, aka gace kakundaga guhura n’ibibazo by’isuri, twahiswmo hegitari 100 zizakorwaho amaterasi y’indinganire, nanone twongera gusuzuma aho amaterasi y’indinganire atabereye tuhafata hegitari 215 z’amaterasi yikora. Hano hahoze ishyamba rya rya hegitari 23 rihuriweho n’imiryango 53,ryari ryarangiritse ari inishyitsi bitagitanga umusaruro biba ngombwa ko naryo risazurwa hagaterwa irindi rishya kugira ngo rizafashe abaturage kugira ibiti bihagije kuko riteye mu butaka bwabo Kandi rinarwanye ihindagutika ry’ibihe.”
Muri uyu murenge Croix Rouge mu mwaka wa 2012 yari yarubatse umudugudu wari waramaze kwangirika ndetse nta bikorwa remezo bihari nk’umuhanda n’umuriro,ubu bikaba byarakenuwe aho umushinga wubatse umuhanda wa Kilometero 2.5, ukora amashanyarazi acanira ingo 150 zishobora kuziyongera. Izi ngo zacaniwe azashyizweho Cash powers ndetse ingo 45 zihabwa ibigega bifata amazi Kandi hatangwa amatungo magufi arimo ihene n’ingurube kugira ngo bitange umusanzu mu kuzamura ubukungu bw’abaturage.
Umuyobozi w’akarere ka Kirehe, Rangira Bruno avuga ko ibyanya byuhirwa byazanye impinduka ku musaruro no kongera ubuso buhingwaho bwuhiwe mu rwego rwo kwihaza mu biribwa.
Yagize ati:” Uyu mushinga waje kudufasha kugira akarere gatoshye kandi impinduka irahari kuko kera abaturage batashoboraga guhinga imvura itabonetse ariko ubu barahinga ibyanya byuhirwa sezo zose Kandi n’umusaruro warazamutse .”
Umushinga LCDF 3 ,ukorera mu turere tubiri aritwo: Gakenke na Kirehe.Uzatwara miliyoni 8.500.000 z’amadorali.Ufite ibikorwa birimo amaterasi y’indinganire n’ayirema, gusazura amashyamba no gutera amashya,gutera ibiti bivangwa n’imyaka, kwimura abaturage bakava mu manegeka no kubagezaho ibikorwa by’iterambere birimo umuriro, amazi, kubaha ibigega bifata amazi mu wego rwo kuyazigama no kurwanya isuri n’ibindi.
Mu bikorwa bitandukanye bimaze kugezwa ku baturage bo mu mirenge umushinga LCDF3 ukoreramo, byagize uruhare mu gufasha abaturage kwinjira mu buhinzi bufite ireme no guhinga ibihingwa bitandukanye bagamine kongera umusaruro bageza ku isoko Kandi bakongera ingano y’amahugurwa bahabwaga y’ubuhinzi nayo gutubura ibihingwa birimo ibirayi n’imboga.
