Ubushinwa bwujuje umuhanda mugari ku Isi wambukiranya amazi mu minsi 110 gusa (Amafoto)
Mu gikorwa kidasanzwe cy’ubwubatsi, Ubushinwa bwatangaje ko bwashoje imirimo yo kubaka umuhanda mugari ku Isi, wambukiranya amazi, uri munsi y’uruzi rwa Yellow (Huang He), mu minsi 110 gusa.
Uyu muhanda uri mu mujyi wa Jinan, umurwa mukuru w’intara ya Shandong, ufite ubugari bwa metero 17 (ni ukuvuga metero 55.8 z’amaguru), kandi ushobora kunyurwamo n’imodoka esheshatu icyarimwe,eshatu zerekeza imbere n’izindi eshatu zisubira inyuma.
Uyu mushinga wakozwe mu buryo bwihuse udasanzwe, waciye agahigo ku rwego mpuzamahanga mu bwubatsi bw’imihanda ikoreshwa n’imashini zicukura (shield tunneling), hakoreshejwe imashini nini cyane yitwa “Shanhe.”
Iyi mashini ifite izina risobanura “imisozi n’inzuzi” mu Gishinwa, kandi ni imwe mu nini kurusha izindi ku Isi. Yakoreshejwe mu gucukura metero zirenga 3 z’uyu mu cyobo kiri munsi y’amazi y’uruzi rwa Yellow, aho yakoraga ibilometero hagati ya 16 na 18 ku munsi.
Abatekinisiye bayoboye uyu mushinga bahuye n’imbogamizi nyinshi zirimo umuvuduko mwinshi w’amazi, ubutaka butameze neza munsi y’uruzi, n’uburyo bwo kurinda ibidukikije by’uruzi. Ariko kubera igenamigambi ryimbitse n’ikoranabuhanga rihanitse, imirimo yarangiye nta kibazo kinini kivutse.
Bavuze ko imashini “Shanhe” yakoraga idahagarara, ikoresha uburyo bwo kugenzura umuvuduko w’ubutaka n’amazi, hamwe na porogaramu zikurikirana buri kintu cyose igihe cyose imirimo yari igikorwa.
Uyu muhanda ni igice cy’umushinga mugari ugamije gufasha gutwara abantu n’ibintu mu Burasirazuba bw’Ubushinwa, bigabanya umubyigano ku bitaro byari bisanzwe bikoreshwa no ku mihanda iri hejuru.
Iyo tunnel izajya ihuza ibice by’inganda n’ahatuwe henshi mu mujyi wa Jinan, bikagabanya igihe abantu bamara mu ngendo ndetse bigateza imbere ubukungu bw’akarere.
Abayobozi baho bashimye uyu mushinga nk’urugero rwiza rw’ubumenyi n’ikoranabuhanga mu bwubatsi, bavuga ko ushobora gufasha no mu yindi mishinga minini iteganywa mu gihe kiri imbere.
Umuvugizi wa Minisiteri y’Ubwikorezi yagize ati: “Uburyo twubatse iyi tunnel munsi y’uruzi rwa Yellow ni ikimenyetso cy’uko Ubushinwa buri ku isonga mu bumenyi n’imbaraga z’iterambere ry’ibikorwa remezo.”
Imashini “Shanhe” ni urugero rw’imashini nini ziri gukoreshwa n’Ubushinwa muri iyi minsi mu kubaka imishinga migari. Ifite umuzenguruko wa metero 17, ikaba iri mu zikomeye cyane ku Isi.
Yakozwe by’umwihariko kugira ngo ibashe guhangana n’imiterere y’ubutaka bwari munsi y’amazi y’uruzi rwa Yellow, aho hashoboraga kuba ingorane nyinshi zishobora kwangiza ibidukikije.
Abahanga mu bwubatsi bavuga ko uyu mushinga ushobora gufungura inzira nshya ku mishinga nk’iyi mu Bushinwa ndetse no mu bindi bihugu, harimo imihanda ya gari ya moshi yihuta, imihanda iri munsi y’inyanja, n’imiyoboro minini itwara abantu n’ibintu mu buryo bwihuse cyane munsi y’isi.
Nk’uko imijyi ikomeza kwaguka kandi imisozi n’inzuzi bikomeza kuba imbogamizi mu bwubatsi, ibyagezweho mu mushinga w’iyi tunnel munsi y’uruzi rwa Yellow ni intambwe ikomeye igaragaza icyerekezo gishya cy’iterambere ry’ibikorwa remezo.
Kuba warangiye mu gihe gito no mu buryo budasanzwe ni ibintu bizatera ishyaka ibindi bihugu n’abashoramari bifuza gukora imishinga nk’iyi.
